تۈركىيە خەۋەرلىرى

پارتلاتقۇچ: ئامېرىكا تاراتقۇلىرى تۈركىيە ھۆكۈمىتىنىڭ ئەنەس كانتىرنىڭ كاللىسغا 500مىڭ دوللار مۇكاپات ئىلان قىلغانلىقىنى تەنقىد قىلدى،ئۇيغۇرلارنىڭ قارشى ئىككىگە ئايرىلدى


 

 

تۇرسۇنجان،14-يانۋار،ئۇيغۇر ئاگېنىتلىقى

 

ئامېرىكا جۇمھۇرىيەتچىلەر پارتىيسگە يېقىن داڭلىق تاراتقۇلاردىن فوكس خەۋەرلىرى ۋە نيۇيورك پوچتىسى قاتارلىقلارنىڭ خەۋەر قىلىشچە، سابىق ن ب ئا ۋاسكتېبول چولپىنى، دۇنيادا كىشلىك ھوقۇق پائالىيەتلىرى بىلەن تونۇلغان ئەنەس كانتىر فىرىدوم نيۇيورك پوچتىسىغا تۈركىيە ھۆكۈمىتىنىڭ ئۆز كاللسىغا 500 مىڭ دوللار مۇكاپات ئىلان قىلىپ، خەلقئارالىق قاتىللار گۇرۇھىنى ياللىماقچى بولغانلىقىنى ئىلان قىلدى.

ئامېرىكا تاراتقۇلىرى  يىللاردىن بىرى ئەردوغان ھۆكۈمىتىنى تەنقىىد قىلىپ كەلمەكتە بولۇپ، ئۇلار ئاساسلىقى ئاخبارات ئەركىنلىكىنى چەكلەش، ئەكرەم ئىمامئوغلۇغا ئوخشاش رىقابەتچىلىرىنىڭ ئۆزىگە قارشى سايلامغا قاتنىششنى چەكلەش، كىشلىك ھوقۇقنى باستۇرۇش،  سەنئەتكارلارنى تۇتۇش،  ئۇيغۇر مەسلىسدىكى ئىككى يۈزلىمىچىلىكى،  ختتايغا كۇچۇكلىنىش،  تاجاۋۇزچى روسيە بىلەن يېقىنلىقنى ساقلاش قاتارلىق مەسللەر سەۋەبلىك ئەردوغاننى دىكتاتۇرلۇق بىلەن تەنقىد قىلىدۇ.

ئەنەس-ختتاي ھۆكۈمىتىنى ئۇيغۇر قىرغىنچىلىقى سەۋەبلىك تەنقىد قىلغانلىقى ئۈچۈن،ئۇ ئۆزىنىڭ مىلىيون دوللارلىق خىزمىتىدىن ئايرىلدى.بۇ دۇنيا مەتبۇئاتىدا كۆپلەپ خەۋەر قىلىنغان.

 

ئەنەس كانتىر-ئەردوغان ھۆكۈمىتىگە قارشى پائالىيەتچى بولۇپ،ئەردوغان ھۆكۈمىتى ئۇنى فەتھۇللا گۈلەننى قوللىغانلىق بىلەن ئەيىپلەيدۇ.

ئەنەس كانتىرنى ئۆتكەن يىلى ئامېرىكا دۆلەت مەجلىسىدىكى بارلىق ئەزالار ئايرىم-ئايرم كۇتۇۋالغان بولۇپ، بۇ ئاز ئۇچراىدىغان دۆلەت دەرىجىلىك ئىتىراپ قىلىش ھسابلىنىدۇ.

ئەنەس كانتىر ئۆزىگە ئىلان قىلىنغان بۇ قاتىللىق مۇكاپاتى ھەققىدە مۇنداق دىگەن: بۇرۇن تۈركىيە ھۆكۈمىتى ئۆزى مىنى تۇتماقچى بولسا، ئەمدى دۇنيا بويلاپ جىنايەتچىلەرنى مىنى ئۆلتۈرۈشكە كۇشكۇرتىۋاتىدۇ،ئەردوغاننىڭ قولىدىن ھەر قانداق رەزىللىك كىلىدۇ.

 

 

ئەمما تۈركىيە سرتىدا ئەنەس كانتىرنىڭ ئوبرازى باشقىچە: داڭلىق ۋاسكىتبول تەنھەرىكەتچىسى، مەدەنىيەتلەر ئارا ئالاقىنى ئىلگىرى سۈرگىچى، ختتايغا ۋە دىكتاتۇرلارغا قارشى تۇرغۇچى، ئۇيغۇرلار ئۈچۈن ئەڭ كۆپ سۆزلىگەن تەنھەرىكەتچى، يەھۇدىلار ۋە مۇسۇلمانلار دوسلۇقىنى تەشەببۇس قىلغۇچى.

ئۇيغۇرلار ئەنەس كانتىر ھەققىدە ئىككى ئېقىمغا ئايرىلغان:

بىر تۈركۈمى: ئەنەس كانتىر ئۇيغۇرلار ئۇچۇن كۆپلەپ خىزمەت قىلغان،بىز ئۇنىڭغا رەھمەت ئىيتىمىز،ئۇنىڭ بىلەن تۈركىيە ھۆكۈمىتىنىڭ مەسلىسى -ئۆزىنىڭ ئىچكى مەسلىسى،بىز ئۇنىڭغا ئارىلاشمايمىز.

يەنە بىر تۈركۈمى:ئەنەس كانتىر-تۈركىيە ھۆكۈمىتىنىڭ چېىشغا تەگدى.ئۇ ھازىر تۈركىيەنىڭ دۇشمىنى،تۈركىيە بولسا-ئۇيغۇرلار ئەڭ كۆپ ئولتۇراقلاشقان دۆلەت،ئەگەر بىز ئەنەسنى قوللىساق، تۈركىيە ھۆكۈمىتى بىزدىن ئۆچ ئالىدۇ،تۈركىيەدىكىب ئۇيغۇرلاردىن ئۆچ ئالىدۇ،تۈركىيەنىڭ ئىچكى سياسىتىدا ھەتتا ئەڭ كاتتا چوڭ سياسەتچىلەرنىمۇ قارىلايدۇ،تۇتىدۇ،بىز ئۇيغۇرلارنى مەخپى ئۆتكۇزۇپ بەرسە ھىچنىمە قىلالمايمىز.

 

 

كۆپ كۆرۈلگەنلەر