ختتاي تاراتقۇسى:«جۇڭگو كىنو بايرىمى» ئۆزبېكىستان تاشكەنتتە باشلاندى

ختتاي كىنو بايرىمى -ئۆزبېكستابدا

ختتاي كىنو بايرىمى -ئۆزبېكستابدا

«جۇڭگو كىنو بايرىمى» ئۆزبېكىستان تاشكەنتتە باشلاندى

بۇ خەۋەر ختتاي ئىچىدىكى مېدىيالاردىن ئەينەن ئىلىندى،ئىچىدىكى مەزمۇنلار ،ئاتالغۇلار ختتاي تاراتقۇسغا مەنسۇپ!

باھا :ختتاي بۇ خىل كىنو-مەزمۇنلار ئارقىلىق ۋەتىنىمىزئۇيغۇر جۇمھۇرىيتى (شەرقى تۈركستان)نىڭ ئەزەلدىن ختتايغا تەئەللۇق ئىكەنلىكىنى ئوتتۇرا-ئاسيادا تەشۋىق قىلماقچى !بىز قىرىنداشلىرىمىزنى ختتاينىڭ بۇ ھەقتىكى تەشۋىقاتىدىن ئەينەن خەۋەر تاپسۇن دەپ،ئۇلارنىڭ مەزمۇنىنى سلەرگە ئەينەن سۇندۇق.

ختتاي كىنو بايرىمى -ئۆزبېكستابدا
ختتاي كىنو بايرىمى -ئۆزبېكستابدا

ختتاي خەلق تورى خەۋىرى،

 

جۇڭگونىڭ ئۆزبېكىستاندا تۇرۇشلۇق باش ئەلچىخانىسى ۋە ئۆزبېكىستان كىنو باش مەھكىمىسى ئۇيۇشتۇرغان، شىنجاڭ تەڭرىتاغ كىنو ئىستۇدىيەسى ئۈستىگە ئالغان «شىنجاڭدىكى كۆپ مىللەت تېما قىلىنغان فىلىمنى ئوتتۇرا، غەربىي ئاسىيا رايونىدا تارقىتىش» تۈرىنىڭ تۇنجى قويۇلۇش مۇراسىمى ئۆزبېكىستان پايتەختى تاشكەنتتە باشلاندى.

 

بۇ پائالىيەتكە جۇڭگونىڭ ئۆزبېكىستاندا تۇرۇشلۇق باش ئەلچىخانىسىدىكى جياڭ يەن، ئۆزبېكىستان كىنو باش مەھكىمىسىنىڭ باشلىقى زاكىروف ۋە جۇڭگو ئۆزبېكىستاننىڭ ھەر قايسى ساھەسىدىن بولۇپ 400گە يېقىن ئادەم قاتناشتى.

 

باش ئەلچى جياڭ يەن مۇنداق دېدى:«كىنو سەنئىتى تۇرمۇشنى ئەكس ئەتتۈرىدىغان مۇھىم ۋاسىتە، ئۇ ھەر قايسى دۆلەت خەلىقلىرىنىڭ ئۆز-ئارا چۈشىنىشىنى، دوستلۇقنى چوڭقۇرلاشتۇرۇشنى ئاكتىپ ھالدا ئىلگىرى سۈرىدۇ، جۇڭگو كىنو ئىشلەپچىقىرىدىغان چوڭ دۆلەت، 2017-يىلى ئىشلىگەن فىلىملىرى مىڭغا يېقىنلاشقان، كۆرۈرمەنلەرنىڭ سانى بىر مىليارد 600 مىليون ئادەم ( قېتىم ) گە يەتكەن، نۇرغۇن نادىر كىنولىرى كۆپ تىللارغا تەرجىمە قىلىنىپ دۇنيا مىقياسىدا قويۇلغان ۋە ھەر قايسى دۆلەتتىكى خەلق ئاممىسىنىڭ ياقتۇرۇشىغا مۇيەسسەر بولغان»

ئىگىلىنىشىچە، بۇ قېتىملىق كىنو بايرىمىدا تەڭرىتاغ كىنو ئىستۇدىيەسى ئىشلىگەن «پۇل دېگەن بۇنداق نەرسە» ۋە «گۈلبېكە» ناملىق ئىككى فىلىم قويۇلىدىكەن.

«پۇل دېگەن شۇنداق نەرسە» ناملىق فىلىمگە ئابدۇكېرەم ئابلىز، دىلشات بارات، مەمەتجان روزى سايىت قاتارلىق ئارتىسلار باش رول ئالغان.

بۇ فىلىم شىنجاڭدىكى ئاز سانلىق مىللەت تېما قىلىنغان كومېدىيەلىك فىلىم، فىلىمدە شىنجاڭدەك بۇنداق گۈزەل تۇپراقتىكى ساددا، ئاقكۆڭۈل ھەر مىللەت خەلقىنىڭ مېھىر-مۇھەببىتى، دوستلۇقى قاتارلىق ئاساسىي ئېقىمدىكى قىممەت قارىشى تەسۋىرلەنگەن. ھەر بىر ئادەم ئوخشىمىغان ئۇسلۇب ۋە ھەرىكىتى بىلەن «شىنجاڭ روھى»نىڭ ئەھمىيىتى ۋە چىن مەنىسىنى يورۇتۇپ بەرگەن. فىلىم كارتون ئوبرازنىڭ ياردىمىدىنمۇ پايدىلانغان بولۇپ، فىلىمنىڭ قىزىقارلىق دەرىجىسىنى ئاشۇرغان. بىر قاتار كومېدىيەلىك ئىشلار يۈز بەرگەندىن كېيىن، باش پېرسوناژ ئىپادىلىگەن ھەر خىل پىسخىكىلىق روھىي ھالەتلەر، ھەر خىل ئىش-ھەرىكەتلەر، خەلقنىڭ ئىستېتىك زوقى ۋە ئېھتىياجىغا چۈشۈپ، ھەقىقىي كومېدىيەلىك ئۈنۈم ياراتقان.

مەزكۇر فىلىمدە كومېدىيە ئېلېمېنتلىرى بولۇشتىن سىرت يەنە ئىجتىمائىي قىممەت قارىشىنى ناھايىتى جانلىق سۈرەتلەپ بەرگەن ھەمدە بەختنى ھالال ئەمگەك بىلەن بەرپا قىلىش قاتارلىق ئىدىيەلەرمۇ رېژىسسورنىڭ ئۇستىلىق بىلەن بىرلەشتۈرۈشى ئارقىلىق مۇۋەپپەقىيەتلىك ئىپادىلەنگەن.

بۇ قېتىملىق پائالىيەت تاشكەنتتىن باشقا يەنە سەمەرقەنت شەھىرىدىمۇ ئۆتكۈزۈلىدىكەن.

بەلكىم بۇلار كۆزىڭىزدىن قاچقان بولۇشى مۇمكىن