ئىلھام توختى مۇئەللىم ياۋروپا پارلامىنتى تارقاتقان ساخاروف كىشىلىك ھوقۇق مۇكاپاتىغا ئىرىشتى

ئۇيغۇر ئاگىنتىلىقى

2019-10-24

تەييارلىغۇچى: ئەردەم

24-ئۆكتەبىر، ئىلھام توختى ئەپەندى ياۋروپا پارلامىنتى ساخاروف پىكىر ئەركىنلىكى مۇكاپاتىغا ئىرىشتى. ئىلھام توختى مۇئەللىم تېخى يىقىندا ۋاكلاۋ خاۋىل مۇكاپاتىغا ئىرىشكەن ئىدى. ئىلھام توختىغا ساخاروف مۇكاپاتىنى ئىلان قىلغان ياۋروپا پارلامىنتى پىرىزدىنتى داۋىد ساسسولى « بىز بۇ مۇكاپاتنى ئىلھام توختىغا بەرگىنىمىزدىن ناھايىتى ئىپتىخارلىنىمىز. شۇنىڭ بىلەن بىرگە خىتايدىن ئىلھام توختىنى قويۇپ بىرىشىنى ۋە ئاز سانلىقلارنىڭ ھوقۇقىنى قوغدىشىنى تەلەپ قىلىمىز» دېدى.

بۇ يىل 18- دىكابىر، ساخاروف مۇكاپاتىنى تارقىتىش مۇراسىمى ياۋروپا پارلامىنتىدا ئۆتكۈزۈلىدۇ.

ساخاروف كىشىلىك ھوقۇق مۇكاپاتى ياۋروپا پارلامىنتى تەرىپىدىن تارقىتىلىدىغان دۇنيا خاراكتىرلىك مۇكاپات بولۇپ، 1988-يىلى تەسىس قىلىنغان. ئۇ ئاساسلىقى كىشىلىك ھوقۇق ۋە ئەركىنلىك پىرىنسىپلىرىنى قوغداش يولىدا كاتتا خىزمەت كۆرسەتكەن شەخىس ياكى ئورگانلارغا بىرىلىدۇ. مۇكاپات سوممىسى 50 مىڭ ياۋرونىمۇ ئۆز ئىچىگە ئالىدۇ.

بۇ مۇكاپاتقا تۇنجى بولۇپ ئىرىشكۈچى جەنۇبىي ئافرىقا دۆلەت ئاتىسى ماندىلا ئىدى. ب د ت سابىق باش كاتىبىمۇ بۇ مۇكاپاتقا ئىرىشكەن. بۇ مۇكاپاتقا ئىرىشكەنلەردىن ھازىرغىچە 5 كىشى كىيىن نوبىل تىنىچلىق مۇكاپاتىغا ئىرىشكەن.

مەنبە:

https://www.europarl.europa.eu/news/en/press-room/20191018IPR64639/ilham-tohti-awarded-the-2019-sakharov-prize