د ۇ ق رەھبەرلىرى خەلىقئارا «ئەھمەدىيە» يىغىلىشىغا تەكلىپ بىلەن قاتناشتى

تەييارلىغۇچى: سايئوغلى

ئۇيغۇر ئاگېنتلىقى

2019-08-05

مۇسۇلمان دۆلەتلەر ۋە خەلقىگە قاراتقان مىللىي داۋايىمىزنى تېخىمۇ كۈچلەندۈرش ئۈچۈن دۇنيا ئۇيغۇر قۇرۇلتاينىڭ بىر قىسىم رەھبەرلىرى لوندۇندا 8-ئاينىڭ 2-كۈنىدىن 5-كۈنىگىچە زىيارەتتە بولدى.

بۇ قېتىملىق يىغىن خەلىقئارا «ئەھمەدىيلەر » جامائىتى تەرىپىدىن ئۇرۇنلاشتۇرۇلغان بولۇپ، دۇنيانىڭ ھەرقايسى جايلىرىدىن كەلگەن 40 مىڭدىن ئارتۇق جامائەت ئەزاسى، ئەنگىلىيە، گوللاندىيە، فىللاندىيە قاتارلىق 37دۆلەت ۋەكىللىرى، شۇنداقلا ئامېرىكا پارلامىنتىنىڭ 8 كىشلىك ۋەكىلى، ئەنگىلىيە ھۈكۈمەت مىنىستىرى ئەھمەت تارىق، ب د ت باش كاتىپ ياردەمچىسى كىرەم خان قاتارلىق مۇھىم كىشىلەر قاتناشقان. بۇ يىغىنغا دۇنيا ئۇيغۇر قۇرۇلتىينىڭ بىر قىسىم رەھبەرلىرى تەكلىپ بىلەن قاتناشتى، شۇنداقلا يۇقىرى دەرىجىلىك رەھبەرلەر بىلەن ئايرىم- ئايرىم كۆرۈشۈپ خىتاي ھۈكۈمىتىنىڭ شەرقى تۈركىستاندىكى سىياسىتىنى قوللىغان 50 دۆلەتكە قارشى سەپەرۋەرلىك قوزغاش پائالىيتى ئېلىپ باردى.

د ۇ ق رەھبەرلىرى بۇ قېتىمقى پائالىيەتنىڭ ناھايىتى ياخشى ئېلىپ بېرىلغانلىقىدىن خۇرسەن بولغانلىقىنى بىلدۈردى.

ئالاھىدە تىلغا ئېلىشقا ئەرزىيدىغان بىر ئىش، ئەھمەدىيلەر جامائىتىنىڭ غوللۇق ئەزالىرىدىن بىرى بولغان ئەھمەد ئابدۇسالام ئىسلام دۇنياسىدىن بىردىنبىر نوبىل فىزىكا مۇكاپاتى ئالغان دوكتۇر ئابدۇسالامنىڭ ئوغلى بولۇپ، دوكتۇر ئابدۇسالام ئەينى ۋاقىتتا روشەن ئابباس خانىمنىڭ دادىسى ئابباس بورھان ئەپەندىم بىلەن چەتئەللەردە ۋە قەشقەردە كۆپ قېتىم ئۇچرىشىپ سۆھبەتلەتشكەن دوستلۇق ئورناتقان ئىكەن. بۇ قېتىملىق يىغىن جەريانىدا دوكتۇر ئابدۇسامنىڭ ئوغلى بۇ دوسلۇقنىڭ ۋاپاسى سۈپىتىدە روشەن ئابباس خانىمنى ۋە د ۇ ق رەھبەرلىرىنى قىزغىن كۈتۈۋالغان شۇنداقلا يۇقىرىدا تىلغا ئېلىنغان يۇقرى دەرىجىلىك ئەمەلدارلار بىلەن ئايرىم-ئايرىم كۆرەشتۈرۈپ ئۇيغۇر ۋەزىيتىنى ئاڭلاتقان.