ياۋروپا- خىتاي سودا مەبلەغ كېلىشىمى پارلامېنت ئەزالىرىنىڭ قارشىلىقىغا ئۇچرىدى

ئۇيغۇر ئاگېنتلىقى 30- ئاپرېل خەۋىرى

ئارمان

28- ئاپرېل ئېچىلغان ياۋروپا پارلامېنتى يىغىنىدا 30دىن ئارتۇق پارلامېنت ئەزاسى سۆز قىلىپ خىتاينىڭ پارلامېنت ئەزالىرىغا قارىتا ئۆچ ئېلىش خاراكتېرىدىكى جازاسىنى تەنقىد قىلغان، شۇنداقلا ئاگاھلاندۇرۇش بېرىپ ياۋروپا- خىتاي مەبلەغ كېلىشىمىنىڭ يۈرگۈزۈلۈشىگە قارىتا قارشى ئاۋاز بېرىدىغانلىقى توغرىسىدا ۋەدە بەرگەن.بىرلەشمە ئاگېنتلىقىنىڭ خەۋىرىگە قارىغاندا شۇ كۈنى ئېچىلغان پارلامېنت يىغىنىدا 30دىن ئارتۇق پارلامېنت ئەزاسى بايانات بېرىپ ياۋروپا ئىتتىپاقى ئەمەلدارلىرىنى ئىنسانىي ھوقۇقنى قۇربان قىلىپ خىتاي بىلەن سودىلاشماقچى بولغانلىقىنى قاتتىق تەنقىدلىگەن. فىرانسىيەلىك پارلامېنت ئەزاسى ئېممانۇئەل مۇرەل (Emmanuel Maurel) باياناتىدا مۇنداق دەپ كۆرسەتكەن: ئەگەر ياۋروپا ئىتتىپاقى ئۆزىنىڭ پرىنسىپلىرى بويىچە ئىش قىلماقچى بولسا چوقۇم ھەرىكەتكە ئۆتۈشى كېرەك، ئەگەر خىتاي ھۆكۈمىتى ئۇيغۇر مەسىلىسى سەۋەبلىك پارلامېنت ئەزالىرىغا قارىتىلغان جازاسىنى بىكار قىلمايدىكەن بۇ سودا كېلىشىمنىڭ تۈزۈلۈشىگە داۋاملىق قارشى تۇرىمىز. ئىگىلىنىشىچە بۇلتۇر يىل ئاخىرى ياۋروپا ئىتتىپاقى ۋە خىتاي ئەمەلدارلىرى تېلېۋىزور يىغىنى ئېچىپ ئىككى تەرەپ ئوتتۇرىسىدىكى سودا كېلىشىمىنىڭ نەزەرىيە جەھەتتىن بىرلىككە كەلگەنلىكىنى ئېلان قىلغان. ئەمما بۇ كېلىشىم تېخى پارلامېنتتا بېلەت تاشلىنىپ قاراردىن ئۆتمىگەن.

بەلكىم بۇلار كۆزىڭىزدىن قاچقان بولۇشى مۇمكىن