چوڭ خەۋەر: ئامېرىكا قوشما شتاتلىرى ئۇيغۇر قىرغىنچىلىقى سەۋەبلىك 2022- يىللىق بېيجىڭ ئولىمپىك تەنھەرىكەت يىغىنىنى بايقۇت قىلىشنى ئويلىشۋاتىدۇ.

ئۇيغۇر يۈرەك
ئۇيغۇر ئاگېنتلىقى، 2021- يىلى 6- ئاپرېل

ئامېرىكا تاشقى ئىشلار مىنىستىرلىكى باياناتچىسى نەد پىرايىس سەيشەنبە كۈنى چۈشتىن كېيىن مۇخبىرلارغا مۇنداق دېدى: «ئامېرىكا قوشما شتاتلىرى باشقا ئىتتىپاقداشلىرى بىلەن ھەمكارلىشپ، بېيجىڭنىڭ 2022- يىللىق ئولىمپىكنى بىرلىشپ بايقۇت قىلىش ھەققىدە ئويلىشۋاتىدۇ. ئاخىرقى قارار ئالدىمىزدا ئېلىپ بېرىلىدۇ.

ئامېرىكا ھۆكۈمىتى ئۆتكەن ئايدا ئەنگىلىيە، ياۋروپا ئىتتىپاقىدىكى 27 دۆلەت، كانادا قاتارلىق 30 دۆلەتنى بىرلىككە كەلتۈرۈپ، خىتايغا قارشى جازا ئېلان قىلغان بولۇپ، بۇ ئامېرىكىنىڭ ئىككىنچى دۇنيا ئۇرۇشىدىن كېيىن 30 دۆلەتنى بىرلەشتۈرۈپ، خىتايغا قارشى جازا يۈرۈش قىلغان تۇنجى ھەرىكىتى ھېسابلىنىدىكەن.

ئۆتكەن ھەپتە ئامېرىكا ھۆكۈمىتى باشقا ئىتتىپاقداشلىرى بىلەن بىرلىكتە دۇنيا سەھيە تەشكىلاتىغا بېسم چۈشۈرۈپ، خىتاينىڭ كورونا ۋېرۇسى ھەققىدىكى تەكشۈرۈش دوكلاتىنى ئاشكارا بولمىغان دەپ، قايتا تەكشۈرۈشنى تەلەپ قىلغاندىن كېيىن، دۇنيا سەھيە تەشكىلاتىنىڭ باشلىقى دوكتۇر تەدروس تۇنجى قېتىم: «خىتاي دۇنيا سەھيە تەشكىلاتىنىڭ مۇستەقىل تەكشۈرۈشىگە ماسلاشمىدى.» دەپ بايانات بەردى. بۇ دۇنيادا زور زىلزىلە قوزغاپ، بايدىن ھۆكۈمىتىنىڭ ئىتتىپاقداشلىرىنى خىتايغا قارشى بىرلەشتۈرۈشتىكى ئىككىنچى چوڭ غەلبىسى دەپ قارىغان ئىدى.

بەلكىم بۇلار كۆزىڭىزدىن قاچقان بولۇشى مۇمكىن