COSCO نىڭ گرېتسىيە پورتلىردا كونتروللۇقنى كۈچەيتىشى قارشىلىقلارغا يول ئېچىۋاتىدۇ

تەجەللى ئابدۇلمەلىك
ئۇيغۇر ئاگېنتلىقى، 2020-يىلى 30-دېكابىر


‏‎‎يەرشارى بىرلەشمە گەۋدىسى خىتاي COSCO ترانسپورتى ئوتتۇرا دېڭىزنىڭ ئەڭ ئاۋات ترانسىپورت مەركىزىگە ئايلانغان گرېتسىيەنىڭ پىراۋۇس پورتىغا بولغان ھۆكۈمرانلىق ئورنىنى تېخىمۇ كۈچەيتىپ تەسىرىنى كېڭەيتىۋاتىدۇ.

2008- يىلى يەر شارى پۇل-مۇئامىلە كرىزىسى يۈز بەرگەندە خىتاي گرېتسىيەنىڭ ياردەم چاقىرىقىغا تۇنجى قېتىم ئىنكاس قايتۇرغاندىن بۇيان، گرېتسىيە پورتلىرىغا ۋە باشقا ئۇل -ئەسلىھەلىرىگە نەچچە يۈز مىليون دوللار مەبلەغ سالغانCOSCO ھازىر ساياھەت پاراخوتى ۋە پويىزلىرىنى پورتقا ئەكىلىپ، پاراخوت ياساش ۋە رېمونت قىلىش ئەسلىھەلىرىنى كېڭەيتىشنى تېزلەشتۇردى. لېكىن، گرېتسىيەدە ۋە ياۋروپا ئىتتىپاقىدا COSCO نىڭ ئۇسۇلى ۋە ئىستراتېگىيىسى توغرىسىدىكى داۋالغۇشنىڭ كۈچىيىشى بۇ گۇرۇپپىنىڭ 2019-يىلى تۆتىنچى بولغان پىراۋۇسنى ياۋروپادىكى ئەڭ ئاۋات پورتلار قاتارىغا كىرگۈزۈش ئارزۇسىغا توسقۇنلۇق قىلىشى مۇمكىن.

‏«COSCO»خىتاي يىراق ئوكيان ترانسىپورت (گۇرۇھى) ‏‎(خىتايچە: (中国远洋运输(集团) خىتاينىڭ توشۇش ۋە ئەشيا ئوبوروت مۇلازىمەت شىركىتى. COSCO نىڭ 130 دىن ئارتۇق پاراخوتى بار، دۇنيانىڭ ھەرقايسى جايلىرىدا مىڭلىغان پورت بار. ئۇ كونتېينېر پاراخوتى سانى جەھەتتە ئالتىنچى چوڭ شىركەت، ئومۇمىي كونتېينېر مىقدارى جەھەتتە 9-ئورۇندا تۇرىدۇ. شىركەتنىڭ باش ئورگىنى بېيجىڭنىڭ شىچېڭ رايونىغا جايلاشقان.