ئامرىكا ئاۋازى: «تىرامپ سايلام نەتىجىسى ئۈستىدىن ئەرىز سۇنماقتا!»

تارىم

2020-11-9

ئۇيغۇر ئاگىنتلىقى

پرېزىدېنت ترامپ كەلگۈسى بىر نەچچە كۈندە كۆپ قېتىم قانۇنىي ھەرىكەت قوللىنىپ ، سايلامنىڭ نەتىجىسىگە جەڭ ئېلان قىلىشى مۇمكىن. ئەمما بۇ دەۋالار بايدىننىڭ غەلىبىسىنى ئۆزگەرتەلمەسلىكى مۇمكىن دەپ قارالماقتا.

ئامېرىكا ئاخبارات ۋاسىتىلىرى شەنبە (2020-يىلى 11-ئاينىڭ 7-كۈنى) بايدېننىڭ ترامپنى مەغلۇب قىلغانلىقىنى ۋە ئەڭ يېڭى ھېسابلاش نەتىجىسىگە ئاساسەن ئامېرىكىنىڭ 46-نۆۋەتلىك پرېزىدېنتى بولۇپ سايلانغانلىقىنى ئېلان قىلدى. بىراق تىرامپ ئۆزىنىڭ سايلامدا ئۇتتۇرۇپ قويغانلىقىنى ئېتىراپ قىلمىدى. ئەكسىچە، ئۇ بايدىن ئاز پەرق بىلەن غەلىبە قىلغان بىر قانچە مۇھىم شىتاتلاردا سايلام ۋە قانۇنغا خىلاپلىق قىلمىشلار يۈز بەرگەنلىكىنى ئوتتۇرىغا قويدى. ئۇ ئەگەر بۇ قانۇنغا خىلاپ قىلمىشلار تۈزىتىلسە ، ئۆزىنىڭ يەنە تۆت يىل ۋەزىپە ئۆتەيدىغانلىقىنى ئېيتتى.

ترامپنىڭ سايلام گۇرۇپپىسى ئۆتكەن بىر ھەپتە ئىچىدە بىر قىسىم ئەرز-شىكايەتلەرنى سۇنۇپ ، بىر قىسىم شىتاتلاردىكى سايلامغا خىلاپلىق قىلغانلىقىنى شىكايەت قىلغان ۋە ئۆتكەن بىر قانچە كۈن ئىچىدىكى بېلەت سانىنى قايتا ھېسابلىغان. بىراق بۇ دەۋالارنىڭ كۆپىنچىسى سوتچى تەرىپىدىن رەت قىلىنغان ياكى سوتنىڭ جاۋابىنى ساقلاۋاتىدۇ. تىرامپنىڭ ئادۋوكاتى جۇلىئان يەكشەنبە كۈنى تېلېۋىزىيە پروگراممىسىدا، بۇ ھەپتىنىڭ ئاخىرىغىچە ، تىرامپ سايلام رىقابىتىنىڭ 10 دەك ئەرز سۇنۇشى مۇمكىنلىكىنى ئېيتتى. ئەدلىيە ھۇجۇمىنى تېز ۋە كۈچلۈك باشلاش، سوتنىڭ بېسىمىنى ئاشۇرۇش ئۈچۈن، تىرامپ كىشىلەرنىڭ قوللىشىغا مۇھتاج.

ئۇنىڭدىن باشقا ، ئۇنىڭ سايلام گۇرۇپپىسى ئالاقىدار قانۇنىي تەرتىپلەرنى تەييارلاشقا كېرەكلىك مەبلەغنى تولۇقلاش ئۈچۈن مەخسۇس ئىئانە قىلىش پائالىيىتىنى باشلىدى.ترامپ گۇرۇپپىسىنىڭ ئوتتۇرىغا قويۇشى مۇمكىن بولغان بىر ئەيىبلەش شۇكى ، بىر قىسىم سايلىغۇچىلار قازا قىلغان تۇغقانلىرىنىڭ نامىدا بېلەت تاشلىغانلىقى ، بۇ خىل بېلەت سانىنىڭ پەقەت پېنسىلۋانىيەدىلا 21 مىڭغا يېتىدىغانلىقىنى ئوتتۇرىغا قويدى. يەنە بىر شىكايەتتە ، نۇرغۇنلىغان جۇمھۇرىيەتچىلەر پارتىيىسىنىڭ سايلام كۈزەتكۈچىلىرى بىلەت ساناش خىزمەت رايونىغا يېقىنلىشالمىغان ۋە كۈچلۈك نازارەت قىلالمىغان.

ئامېرىكا ئەدلىيە مىنىستىرلىكى ۋە فېدېراتسىيە تەكشۈرۈش ئىدارىسى ھازىرغا قەدەر بۇ چوڭ سايلامدا سايلام ئالدامچىلىقى بايقالغانلىقىنى ئېلان قىلمىدى. ئاخبارات ۋاسىتىلىرى ۋە كۈزەتكۈچىلەر بولسا بۇ يىلقى پرېزىدېنت سايلىمىدا كەڭ كۆلەملىك سايلام ئالدامچىلىقى يۈز بەرمىدى دەپ قارىماقتا. ئۇلارچە، ھەتتا بەزى يەككە دېلولارنىڭ راست ئىكەنلىكى سوت تەرىپىدىن بايقالسىمۇ ، پېنسىلۋانىيە قاتارلىق مۇھىم شىتاتلاردا بايدىننىڭ ئۇتقانلىقىنى ئىنكار قىلغىلى، شۇ ئارقىلىق بايدېننىڭ سايلىنىش نەتىجىسىنى ئۆزگەرتكىلى بولمايدىكەن.

مەنبە: ئامرىكا ئاۋازى

https://www.voachinese.com/a/trump-legal-challenges-election-result-20201109-/5653553.html

بەلكىم بۇلار كۆزىڭىزدىن قاچقان بولۇشى مۇمكىن