سىنگاپور مېدياسى: سەئۇدى ئەرەبىستان، روسىيە قاتارلىق 37 دۆلەت بىرلىكتە خىتاينىڭ شەرقى تۈركىستاندىكى سىياسىتىنى قوللاپ مەكتۇپ يازدى

بىرلەشمە سەھەر گېزىتى

ئېلان قىلىنغان ۋاقتى: 2019-يىلى 13- ئىيۇل

خىتايچىدىن تەرجىمە قىلغۇچى: سەبرى

ئۇيغۇر ئاگېنتلىقى

2019-07-13

 

ياپونىيە، فرانسىيە، گېرمانىيە قاتارلىق دۆلەتلەر ب د ت كىشىلىك ھوقۇق كېڭىشىدە خىتاينىڭ شىنجاڭ (شەرقى تۈركىستان-ت) سىياسىتىنى ئەيىپلىگەندىن كېيىن، سەئۇدى ئەرەبىستان، روسىيە قاتارلىق 37 دۆلەتنىڭ ئەلچىلىرى خىتاينىڭ سىياسىتىنى قوللاپ مەكتۇپ يازغان.

 

رويتېرس ئاگېنتلىقى ۋە دوۋېي خەۋەر تورىنىڭ خەۋىرىگە ئاساسلانغاندا، بۇ دۆلەتلەر تۆۋەندىكىچە: ئالجىرىيە، ئانگولا، بېلارۇسىيە، بۇركىنا فاسو، بۇرۇندى، كومورو، كونگو، كۇبا، چاۋشيەن، كونگو ( كىنگ )، ئېرىترىيە، گابون، لائوس، بىرما، فىلىپپىن، روسىيە، سومالى، جەنۇبىي سۇدان، سۈرىيە، تاجىكىستان، ۋېنېسۇئېلا، زىمبابۋې، سەئۇدى ئەرەبىستان، پاكىستان، مىسىر، توگو ، كامبودژا، ئومان، قاتار، ئەرەب بىرلەشمە خەلىپىلىكى، بەھرەين، سۇدان، تۈركمەنىستان، كۇۋەيت، كامېرون ۋە بولىۋىيە.

 

بۇ دۆلەتلەر بىرلىكتە ب د ت غا مەكتۇپ يوللاپ، خىتاينىڭ شىنجاڭ (شەرقى تۈركىستان-ت) سىياسىتىنى قوللايدىغانلىقىنى بىلدۈرگەن. ئۇلار مەكتۇپتە خىتاينىڭ كىشىلىك ھوقۇق ساھەسىدە ئېرىشكەن ئاجايىپ نەتىجىلىرىنى مەدھىيىلىگەن، ھەمدە خىتاينىڭ تېررورىزم ۋە رادىكالىقنىڭ سىنىقىغا دۇچ كېلىۋاتقان پەيتتە، شىنجاڭدا (شەرقى تۈركىستان-ت) بىر قاتار تېررورىزم ۋە رادىكاللىققا قارشى تەدبىر قوللانغانلىقىنى يازغان.

 

مەكتۇپتا شىنجاڭنىڭ (شەرقى تۈركىستان-ت) قايتا بىخەتەر بولغانلىقى، ھەممە مىللەتنىڭ ئاساسى كىشىلىك ھوقۇقىنىڭ قوغدىلىدىغانلىقى كۆرسىتىلگەن.

 

كىشىلىك ھوقۇق كۆزىتىش تەشكىلاتى تورىنىڭ ئۇچۇرىغا كۆرە، 22 دۆلەتنىڭ ئەلچىسى بۇ ھەپتە بىرلىكتە مەكتۇپ يېزىپ خىتاينىڭ شىنجاڭ (شەرقى تۈركىستان-ت) سىياسىتىنى ئەيىبلىگەن بولۇپ، بۇ دۆلەتلەر تۆۋەندىكىچە: ئاۋسترالىيە، ئاۋستىرىيە، بېلگىيە، كانادا، دانىيە، ئستونىيە، فىنلاندىيە، فرانسىيە، گېرمانىيە، ئىسلاندىيە، ئېرلاندىيە، ياپونىيە، لاتۋىيە، لىتۋانىيە، ليۇكسىمبۇرگ، گوللاندىيە، يېڭى زىللاندىيە، نورۋېگىيە، ئىسپانىيە، شۋېتسارىيە، شىۋىتسىيە ۋە ئەنگلىيە. ئامېرىكا بىر يىل ئىلگىرى ب د ت كىشىلىك ھوقۇق كېڭىشىدىن چېكىنىپ چىققان بولغاچقا بۇ بىرلەشمە چاقىرىققا قاتناشمىغان.

 

 مەنبە:

https://www.zaobao.com.sg/realtime/china/story20190713-972151?amp&__twitter_impression=true

قورالبالدىقىغا ئاتلايمەن