مۇجاھىد قەشقەرلى تۈرك دۇنياسى ئىلىم- پەن بايرىمىدا ياخشى نەتىجىگە ئىرىشتى

8.3.2020

ئۇيغۇ ئاگىنتلىقى

سەدەف

5 – مارت تۈركىيە پايتەختى ئەنقەرە ئۆتكۈزۈلگەن تۈرك دۇنياسى خەلىقئارالىق ئىلىم _ پەن بايرىمىى 7- مارت كۈنى غەلىبىلىك ئاياغلاشتى.
بۇ بايرامغا 20نەچچە دۆلەتتىن، باشلانغۇچ ۋە تۇلۇقسىز ئوتتۇرا مەكتەپ ئوقۇغۇچىللىرنىڭ پەن-تېخنىكىغا ئائىت لاھىيەلىرى قاتناشتۇرۇلىدۇ ۋە دۆلەتتىن بىكىتىلگەن باھالاش ھەيئىتى تەرىپىدىن باھالاپ چىقىلىدۇ.
بايرام ئالدىدا 20 نەچچە دۆلەتتىكى نەچچە يۈزلىگەن ئوتتۇرا-باشلانغۇچ مەكتەپتىن، نەچچە مىڭلىغان ئوقۇغۇچىلار ئۆزلىرنىڭ لاھىيە پىلانىنى ئوتتۇرىغا قويىدۇ ۋە شۇنىڭ ئىچىدىن 100 ئەڭ ياخشى لاھىيە تاللىنىپ مۇسابىقىغا قاتناشتۇرۇلىدۇ.


ئۇيغۇر ئوغلى مۇجاھىد قەشقەرلى يېقىنقى ئۈچ قېتىملىق بايرامغا تۇلۇق قاتنىشىپ ياخشى مۇكاپاتلارغا ئېرىشتى. بۇ قېتىمقى بايرامدا مۇجاھىد قەشقەرلى لاھىيەلىگەن، يەر ئاستىدىكى مىنا ياكى شۇنىڭدەك مىتالدىن ياسالغان پارتلاتقۇچ بۇيۇملارنى تەكشۈرۈپ سىگنال بىرىدىغان ئۈسكۈنە ئالدىنقى ئالتىنىڭ ئىچىگە كىرىپ رىغبەتلەندۈرۈش مۇكاپاتىغا ئېرىشتى.


ئەڭ دەسلەپتە تۈرك دۇنياسى ئىلىم – پەن ئولىمپىياتى دەپ ئاتالغان ۋە كىين ئىلىم- پەن بايرىمىغا ئۆزگەرتىلگەن بۇ مۇسابىقىغا مۇجاھىد قەشقەرلنىڭ 3 قېتىم قاتنىشىشى بۇلۇپ، بىرىنجى قېتىملىقى ئەسكى شەھەردە ئۆتكۈزۈلگەن بۇ ۋاقىتتا مۇجاھىد باشلانغۇچ 3- سىنىپتا ئۇقۇۋاتقان بۇلۇپ، كۆيدۈرۈلگەن ئەخلەتتىن ئىلىكتىرىك ياساش تېخنىكىسىنى قاتناشتۇرغان. مۇجاھىد ياساپ ئەكەلگەن ئۈسكۈنە نەق مەيداندا ئەخلەتنى كۆيدۈرۈپ ئۇنىڭدىن چىققان ئېنىرگىيە بىلەن مودىل ئۆيدىكى چىراقنى ياندۇرۇش سىناق قىلىنغان ۋە بايرام ئاخىرىدا «باھالىغۇچى ھەيئەت مۇكاپاتى» دەپ ئاتىلىدىغان 2_دەرىجىلىك مۇكاپاتقا ئېرىشكەن.


شانلى ئۇرفادا ئۆتكۈزۈلگەن 3_ قېتىملىق بايرامغا كۈن بويى كۈن نۇرى چۈشىدىغان ئۆي لاھىيەلەپ قاتناشتۇرغان بۇلۇپ، بۇنىڭدا ئۆي قۇياشنىڭ پېتىشى بويىچە ئاستا_ئاستا ئايلىنىدىغان بولۇپ، ئۆي دىرىزىسى قۇياشقا توغرىلىنىپ كۈن بويى ئۆي يورۇق ھالەتتە تۇرىدۇ.
بۇ لاھىيە شۇ قېتىملىق بايرامدا ئالدىنقى 10 نىڭ ئىچىگە كىرگەن. ئۈچ كۈن داۋام قىلغان بۇ قېتىمقى بايرامدا كىچىك مۇجاھىد ئۆزىنىڭ لاھىيەسنى تۇنۇشتۇرۇدىغان ئورۇندا مىللىيچە كىيىمى ۋە ئېسىلغان شەرقىي تۈركىستان بايرىقى بىلەن يەنە بىر قېتىم ئۇيغۇرلارنى تونۇتتى.
پائالىيەت جەريانىدا ئاق پارتىيە مىللەت ۋەكىلى زەينەپ يىلدىز خانىم ۋە شۇنىڭدەك بىر قىسىم رەھبەرلەر ۋە نۇرغۇن زىيارەتچىلەر مۇجاھىتنى زىيارەت قىلدى.